Samningar við grannríki

Undanfarin misseri hefur verið unnið að því að auka tvíhliða samstarf  Íslands við grannríkin innan Atlantshafsbandalagsins (NATO) á sviði öryggis- og varnarmála.

Þar hafa Íslendingar lagt áherslu á öryggismál á norðurslóðum.

Í aprílmánuði 2006 var undirritað samkomulag við Noreg og viljayfirlýsing við Danmörku um samstarf á sviði öryggis- og varnarmála. Þá var undirritað samkomulag um varnarmál við Bretland í maí 2008. Unnið hefur verið að því að koma á viðlíka samstarfi  við Kanada, Þýskaland og Frakkland.