Flugsveit frá bandaríska flughernum sinnir loftrýmisgæslu Atlantshafsbandalagsins hér á landi frá 6. – 24. september. Sveitin er hér stödd samkvæmt samningi íslenskra stjórnvalda og Atlantshafsbandalagsins og starfar í samræmi við loftrýmisgæsluáætlun Atlantshafsbandalagsins fyrir Ísland. Um 175 liðsmenn bandaríska flughersins verða staddir á Íslandi vegna verkefnisins, sem er sinnt með tíu F15 orrustuþotum. Lesa meira

Tvær óauðkenndar vélar flugu í tvígang um íslenska loftrýmiseftirlitssvæðið miðvikudaginn 28. júlí. Talið er að um rússneskar sprengjuflugvélar, svokallaða Birni, af gerðinni TU-95 hafi verið að ræða. Um tíma lá leið vélanna um íslenska efnahagslögsögu, bæði vestan af landinu þegar þær flugu til suðurs og svo aftur austan við Ísland eftir að vélarnar höfðu snúið við og flugu til norðausturs.

Lesa meira

Flugsveit þýska flughersins, sem hefur sinnt loftrýmisgæslu Atlantshafsbandalagsins við Ísland frá 7. júní, flaug af landi brott í dag. Er Þjóðverjunum þakkað einstaklega gott samstarf á meðan loftrýmisgæslu stóð. Sveitin, sem samanstóð af sex F-4 orrustuþotum, var hér stödd í boði íslenskra stjórnvalda og starfaði í samræmi við loftrýmisgæsluáætlun Atlantshafsbandalagsins fyrir Ísland. Þetta var í fyrsta sinn sem Þjóðverjar sinna loftrýmisgæslu hér á landi. Lesa meira

Alþingi Íslands hefur samþykkt breytingar á varnarmálalögum nr. 34/2008. Helstu breytingar eru þær að orðið „Varnarmálastofnun“ er tekið úr lögunum og þess stað sett orðin „utanríkisráðuneyti“ eða „utanríkisráðherra“. Með lögunum er utanríkisráðherra heimilt að gera verksamninga og samninga um rekstrarverkefni á sviði öryggis- og varnarmála við aðrar ríkisstofnanir. Lesa meira